Machine Gun Kelly është përballur me dyshime për besnikërinë gjatë shtatzënisë së Megan Fox, pas ndarjes së tyre të fundit. Sipas burimeve për “US Weekly”, këngëtari është i njohur për flirtet e tij të shpeshta në rrjetet sociale, por ata mohojnë kategorikisht se ai ka tradhtuar aktoren. Një mik i tij i ngushtë është shprehur se:
Machine Gun Kelly ka flirtuar me disa persona dhe ndonjëherë iu kthen përgjigje mesazheve, por nuk ka pasur kurrë një lidhje fizike me dikë tjetër.
Megjithatë, për Megan Fox, dyshimet ishin të forta. Ajo kishte pasur frikë se i dashuri i saj mund të ishte angazhuar me dikë tjetër, dhe dyshimet u shtuan kur ajo gjeti mesazhe nga gra të tjera në celularin e tij. Sipas të njëjtit burim, Machine Gun Kelly ka deklaruar me forcë se nuk ka tradhtuar Megan dhe ka qenë gjithmonë besnik gjatë gjithë periudhës që ata kanë qenë bashkë, përfshirë gjatë shtatzënisë së saj.
Për më tepër, burimet e ngushta të këngëtarit tregojnë se ai dhe Fox janë ndarë përfundimisht, dhe ai ka informuar miqtë e tij për këtë vendim. Ky zhvillim vjen pas një periudhe të komplikuar marrëdhënieje, pasi çifti u fejuan në vitin 2022, pas disa muajsh lidhjeje, dhe u ndanë përkohësisht në fillim të vitit 2023, përpara se të ribashkoheshin.
