Edhe pse ka disa javë që “Big Brother VIP3” ka përfunduar, ish-banorët vijojnë të jenë në qendër të vëmendjes. Sara Gjordeni dhe Françeska Murati duket se i kanë harruar sherret dhe konfliktet që kanë pasur brenda shtëpisë më të famshme në Shqipëri.
Dy vajzat janë bërë së fundmi pjesë e rubrikës “She’s on Top” tek emisioni “E Diell”, e mesa duket kanë bërë paqe.
Kur moderatorja e njohur, Argjira Spanca, pyeti Françeskën se cila ishte këshilla e fundit që i dha bashkëshorti asaj para se të vinte në emision, ajo u përgjigj:
“Mos bëj shumë sherre”.
Ndërkohë e dyta që hyri në skenë ishte Sara Gjordeni e cila dukej mjaft e lumtur dhe tregon se shtatzëninë e saj po e shijon pa masë. Të dyja ish-konkurrentet e BBV3 kanë kritikuar dhe kanë dhënë mendimet e tyre si profesioniste për vajzat konkurrente të “She’s on Top” dhe dukej se çdo gjë shkonte mjaft mirë mes tyre.
