Rezulton se “ngrënia emocionale” ose “ngrënia emocionale që nxitet nga stresi” është një fenomen shumë real.
“Problemi të cilit po përpiqemi t’i adresohemi është se shkallët e suksesit për humbjen afatgjatë të peshës nuk janë të mira…
Ngrënia emocionale që nxitet nga stresi mund të jetë një arsye përse njerëzit nuk dalin dhe aq me rezultatet kur duan të humbasin peshë, sepse ata nuk e adresojnë këtë apo ndonjë nga faktorët kontribues.”
(Një shënim i shpejtë: përmbajtja e këtij artikulli nuk përfshin çrregullimet e të ushqyerit mjekësor – një gjendje shëndetësore potencialisht e rëndë. Nëse mendoni se mund të bëni pjesë në këtë kategori, kërkoni menjëherë ndihmë profesionale!)
Hormonet e çliruara gjatë periudhave të stresit, të kombinuara me efektet mendore dhe biologjike të ngrënies së ushqimeve me sheqer dhe kalori, bëjnë që shumë prej nesh të abuzojnë me situatën.
Çuditërisht, ndjenjat e urisë shtypen nga reagimi i stresit në një afat të shkurtër. Hormonet e çliruara nga truri dhe veshkat krijojnë një gjendje fiziologjike të ngazëllyer që shpesh rezulton në ngrënie të vonuar. Megjithatë, e njëjta gjë nuk mund të thuhet për stresin kronik.
Gjatë periudhave të zgjatura të stresit, trupi nxjerr jashtë hormonet kortizol të stresit, të cilat mund të krijojnë ndjenja intensive të urisë. Nëse trupi juaj nuk është në gjendje të “fikë” përgjigjet ndaj stresit, siç është rasti me stresin kronik, atëherë fillon të prodhohet kortizoli.
Studime të shumta kanë treguar se shqetësimi emocional ose fizik rrit konsumin e ushqimeve të larta në sheqer, yndyrë ose të dyja. Hulumtuesit e atribuojnë këtë përgjigje ndaj mbiprodhimit të kortizolit dhe insulinës nga trupi si dhe të hormonit ghrelin – një tjetër “hormon urie”.
Gjatë dhe menjëherë pas konsumimit të ushqimeve të ngarkuara me yndyrë dhe sheqer, pjesa e trurit që lidhet me stresin është e kufizuar.
Me fjalë të tjera, këto ushqime me të vërtetë janë ushqime “ngushëlluese” në atë që kundërsulmojnë reagimin e trurit ndaj stresit – diçka që kontribuon në një zakon të tillë si mbingrënia.
Disa studime tregojnë lidhjen mes marrjes së përsëritur të ushqimeve të komfortit, niveleve në rritje të stresit dhe obezitetit. Hulumtimet shtesë tregojnë se individët që angazhohen në këtë cikël kanë më shumë gjasa të vuajnë nga diabeti, sëmundjet e zemrës, obeziteti dhe goditjet në zemër.
Përveç kësaj, ngrënia emocionale që nxitet nga stresi mund të dëmtojë humbjen e peshës.
“Ngrënia emocionale që nxitet nga stresi mund të sabotojë përpjekjet tuaja për humbje peshe. Shpesh çon në të ngrënë me tepricë, sidomos të ushqimeve të ëmbla dhe të yndyrshme që janë të larta në kalori.
Lajm i mirë është se nëse jeni pronë e ngrënies emocionale që nxitet nga stresi, ju mund të merrni hapa për të rifituar kontrollin e zakoneve të ngrënies dhe t’i ktheheni rrugës normale të humbjes së peshës sipas qëllimeve tuaja.”
Studimi i ngrënies emocionale që nxitet nga stresi
Është e qartë që emocionet negative nxisin ngrënies emocionale nga stresi . Kuptimi i kësaj është hapi i parë, ndërsa hapi i dytë është të qënit të aftë për të identifikuar shkaktarët e ngrënies nga stresi.
Një studim nxjerr në pah disa emocione dhe gjendje që paraprijnë ngrënies emocionale që nxitet nga stresi më së shumti.
Hulumtuesit parashikuan se të gjitha ndjenjat dhe emocionet negative lidhen me ngrënien emocionale që nxitet nga stresi dhe se femrat kanë më shumë gjasa sesa meshkujt të nxiten nga emocionet për të ngrënë.
Ja disa të dhëna nga hulumtimi:
Gjithsej ishin 666 pjesëmarrës, nga të cilët 74% ishin femra.
Të dhënat u mblodhën nëpërmjet një studimi me letër dhe laps.
Ngrënia emocionale që nxitet nga stresi është matur duke përdorur një shkallë rënditjeje në të cilën pjesëmarrësit raportuan se sa shpesh janë angazhuar në sjelljet e përmendura, nga “kurrë” në “shumë shpesh”.
Pas analizimit të të dhënave, hulumtuesit zbuluan shkaktarët që vijojnë të cilët lidhen me sjelljet e ngrënies emocionale që nxitet nga stresi:
Stresi i perceptuar
Stresi i perceptuar përkufizohet si “pakontrolli dhe paparashikueshmëria e jetës së njeriut, sa shpesh duhet që njeriu të përballet me vështirësitë irrituese, sa ndryshime po ndodhin në jetën e tij dhe sa aftësi ka për t’u përballur me problemet ose vështirësitë”.
Shqetësimet
Shqetësimet, të matura në anketë, janë të ngjashme me ato të ankthit dhe stresit. Studiuesit pyetën se sa shpesh personi ishte shqetësuar për gjëra të tilla si vetë-imazhi, marrëdhëniet dhe performanca.
Tensioni dhe ankthi
Studimi përcaktoi një lidhje midis ankthit, tensionit dhe ngrënies emocionale që nxitet nga stresi. Është e paqartë se pse autorët e përfshinin tensionin së bashku me ankthin, ndonëse mund të supozohet se ata e bënin këtë sepse ankthi shpesh ngjall ndjenjën e tensionit dhe anasjelltas.
Humori konfuz
Ngrënia emocionale që nxitet stresi, e cila rrjedh nga gjendja konfuz,e ka më shumë gjasa të shfaqet tek meshkujt sesa tek femrat, sipas studiuesve.
Një gjendje e mendjes si ndjenja e pështjellimit, përfshin një mungesë të përgjithshme të qartësisë më tepër se sa një episod psikologjik posaçërisht reaktiv.
Si ta ndalojmë
Në thelb, akti i ngrënies emocionale që nxitet nga stresi varet nga (a) ndjesia e vetëkontrollit të një individi dhe (b) identifikimi i gjendjeve psikologjike që nxisin ngrënien emocionale.
Klinika Mayo ofron këshilla të mëposhtme për të ndryshuar shprehitë emocionale të ngrënies:
Mbani një dietë ushqimore ditore: Shënoni çfarë, kur dhe sa të hani; së bashku me gjendjen tuaj shpirtërore. Me kalimin e kohës, mund të ndiqni një model që mund të ndryshohet.
Ulni nivelet e stresit: Provoni të menaxhoni stresin me diçka si frymëmarrja e thellë, meditimi ose joga.
Largojini tundimet: Këshilla më e mirë këtu është që t’i mbani larg nga dollapi ushqimet e qejfit. Mos bëni pazar ndërsa jeni të uritur.
Ushqimet e ndërmjetme të jenë të shëndetshme: Nëse ju rritet ndjesia se duhet të hani, zgjidhni një ushqim me pak yndyrna dhe me pak kalori, si fruta të freskëta, perime ose kokoshka pa gjalpë.
Nëse është e nevojshme, kërkoni ndihmë: Çrregullimet e ushqimit mund të jenë një gjendje e rëndë mjekësore, veçanërisht nëse shkaktohet nga një gjendje e shëndetit mendor. Shpesh, një rast i tillë nuk mund të zgjidhet duke përdorur metodat e vetë-ndihmës.
Një çrregullim i shëndetit mendor nuk është faji juaj. Mos kini turp të kërkoni ndihmë!
