Loredana ka publikuar një video në TikTok dedikuar ish-it dhe fansat e saj janë të mendimit se ia ka dedikuar Mozzik.
Përmes një videoje të postuar në rrjetin social ajo na ka treguar se si do të reagonte nëse do t’i shkruante ish-partneri. Dhe reagimi i saj është “Oh, dreqin…Ja ku ia nisëm përsëri”, audioja virale që shoqëron videon e reperes.
Edhe pse nuk ka përmendur asnjë emër, kaq ka mjaftuar që fansat të komentojnë se kjo është një video për Mozzik. Thua të reagojë vërtetë kështu Loredana nëse do të shihte një mesazh nga Mozzik në celularin e saj?
Çifti i dha fund lidhjes pas ribashkimit verën e 2021. Loredana shkruante se duhen shumë por janë dy kokëfortë dhe nuk mund të rrinë me njëri-tjetrin prej kësaj. Por teksa të gjithë po shpresonim për një ribashkim të tretë të tyre, Loredana ka treguar edhe problemet që ajo kishte me Mozzik. Reperja ka zbuluar së fundmi se nuk ka asnjë kontakt me Mozzik.
Gjatë një interviste për mediat e huaja, Loredana u pyet për raportin e saj aktual me Mozzik dhe përgjigjet e dhëna janë tejet të drejtpërdrejta. “Jo aq shumë, të gjithë mendojnë se ai nuk ka kontakt me vajzën tonë, por në fakt ai ka. Kjo kalon nga motra ime sepse ajo kujdeset për vogëlushen time kur nuk jam aty. Por ne të dy nuk kemi asnjë kontakt më”, u përgjigj Loredana.
Sa i përket jetës personale, Loredana tha se aktualisht është single por është e hapur edhe për një martesë tjetër, ashtu si edhe për fëmijë. “Kam kohë për gjithçka. Edhe të martohem prapë, edhe për fëmijë tjetër. Jam shumë e lumtur. Por, jo akoma nuk jam në lidhje”.-tha ajo.
Në një status të gjatë të publikuar në Instastory para pak javëvee, reperja shkruante se ka marrë shumë urrejtje, por ka qenë e fortë për familjen dhe vajzën e saj. Më tej ajo shton që shumë i kanë kërkuar që të ‘shesë’ ish-bashkëshortin, Mozzik, por sipas Loredanës ajo është personi më besnik në të gjithë industrinë.
