Pas një kohe të gjatë Noizy është rikthyer në media ku përpos koncertit që po vjen e karrierës ai ka folur edhe për jetën private.
I ftuar në “Wake up” mes tjerash reperi u ndal tek sherri i bujshëm me Ledion Liçon i ndodhur 6 vite më parë.
Noizy tha se shpërthimi ndaj prezantuesit në rrjete sociale ka qenë diçka e thënë në nerva e sipër, por me moshën sipas tij ndryshojnë shumë gjëra.
“Nuk dua t’ia lë fajin askujt se faji mbetet jetim. Unë marr përgjegjësitë e mia. Ka qenë diçka e thënë në nerva e sipër. Unë kur nevrikosem e humbas durimin dhe nuk di çfarë bëj. Ndoshta nuk duhet t’i bëja publike dhe te kaloja në nivel personal. Por ndodhi. Nuk kam pasur mundësi te reflejtoj këto vite. Por me moshën ndryshojnë shumë gjëra. Ndodhi çfarë ndodhi është koha të ecim përapra. Preferoj dashurinë edhe respektin në vend të urrejtjes”– tha ai.
Gjithashtu Noizy shtoi se nuk ka pasur asnjë kontakt me Ledionin që pas sherrit, dhe nuk është takuar me të as nëpër evente.
“Ledionin nuk e kam takuar dhe as nuk kemi folur. Kam qenë gjithmone i hapur për tu takuar. Unë jetoj në Durrës dhe nuk jëmi parë në evente”- tha Noizy.
I pyetur për komentet homofobe ndaj Liços, Noizy sqaron se kur i del jashtë fjalës ai nuk i kontrollon dot nervat
“Nuk ka lidhje fare, ishte në nerva e sipër, nuk ka lidhje fare me homofobinë.Mami më ka thënë të numëroj deri në 10 kur jam me nerva. Unë mundohem, do e ve në praktik këtë gjë. Kur më del jashtë fjalës, unë tjetërsohem. Por ideja është që duhet të kesh durim, mos t’i kthehesh njerëzve kur je me nerva”- tha reperi.
