Amber Heard foli me ‘Dateline’ të NBC në një bisedë të shfaqur për herë të parë të premten dhe i tha Savannah Guthrie se ishte ‘e tmerruar’ të tregonte anën e saj të historisë. Në intervistë, Guthrie theksoi se Heard është e vetmja grua që ka paraqitur akuza për abuzim kundër Depp. Ajo pyeti pse askush tjetër nuk do të kishte folur nëse do të kishin kaluar të njëjtin trajtim të dhunshëm që ajo pretendon se ka kaluar. Heard u përgjigj: ‘Shiko çfarë më ndodhi kur dola dhe fola. A do guxoje?‘ Gjatë gjyqit për shpifje, Kate Moss mbrojti ish-të dashurin e saj, me të cilin ishte në lidhje nga viti 1994 deri në 1998.
Ajo i dha një goditje të bujshme Heard, duke kundërshtuar pretendimin e aktores se Depp dikur e shtyu supermodelen nga shkallët. Gjatë dëshmisë, aktorja tha se kishte dëgjuar se Depp e kishte shtyrë njëherë Mossin nga shkallët – megjithatë, sipas dëshmisë që Moss dha në mbështetje të Depp, aktori në fakt e ndihmoi atë pasi ajo rrëshqiti aksidentalisht.
Heard tha gjithashtu se ajo ishte e plagosur nga urrejtja ndaj saj, por nuk u pendua për asgjë. “Unë e di se gjëja më e frikshme, më frikësuese për këdo që flet për dhunën seksuale është të mos besohet, të quhet gënjeshtar ose të poshtërohet,” tha ajo. Heard tha se ajo nuk po fliste sepse donte të hakmerrej. “Kjo do të ishte një mënyrë vërtet e keqe për t’u hakmarrë,” -tha ajo. “Sado budallallëk të duket ta them këtë me zë të lartë, qëllimi im është – dua që njerëzit të më shohin si qenie njerëzore.”
Kur u pyet për dëshminë e dhënë nga disa dëshmitarë, të cilët thanë se “panë Heard të nxiste dhunë” kundër Depp gjatë marrëdhënies së tyre, aktorja u kundërpërgjigj, duke këmbëngulur se ajo “asnjëherë nuk duhej ta nxiste atë” dhe se ajo vetëm “i përgjigjej”, duke pretenduar se ajo u bë e dhunshme ndaj aktorit vetëm ‘për të përballuar’ abuzimin që ajo pretendon se i është bërë.
