Një tragjedi me një viktimë është regjistruar në Teksas.
Një 7-vjeçar ka ndërruar jetë tragjikisht pasi plumbat kaluan përmes shtëpisë së tij rulot dhe e mori në kraharor.
Paul Vasquez mundi t’i tregonte nënës së tij se çfarë i ndodhi, teksa më pas humbi vetëdijen.
Vogëlushi nga Cloverleaf, Teksas, u dërgua menjëherë në spital, por vdiq për shkak të lëndimeve të rënda.
Një efektiv i policisë tha se 7-vjeçari po flinte në dhomën e tij kur u godit nga plumbat.
“Ishte në shtratin e dhomës së tij. Dhoma e tij e gjumit ndodhej në pjesën e parme të shtëpisë”, tha Jason Brown.
Mendohet se breshëria e plumbave erdhi nga një makinë gri, e cila parkoi para shtëpisë dhe nisi të qëllonte.
Nëna dhe dy vëllezërit e Paul ndodheshin në shtëpi, por asnjë prej tyre nuk u plagos.
Ende nuk dihet motivi i ngjarjes ndërsa autoritetet kanë kërkuar që kushdo që ka informacion, të raportojë.
