Bëhet fjalë për Robert Aliajn, largimi i të cilit u bë i ditur nga vet Alketa Vejsiu.
“Jerina e ka lënë programin javën e kaluar për arsye që i dini. E falenderoj për rrugëtimin që ka pasur me ne në këto dy edicione. Ndërkohë që Robert Aliaj ka bindjet e tij që nuk i negocion, që ne i respektojmë dhe me mirëkuptim kemi vendosur që ai të mos e vazhdojë më eksperiencën në ‘Love Story’ këtë vit”, tha Alketa. Debati mes Jerinës dhe Robertit nisi me komentet e Kristit se do një femër 4D, por Lalaj tha se nuk ishte mirë që ky perceptim që ai ka për vajzat, të kthehej në vulgaritet, ndërsa Roberti u përgjigj duke e quajtur një “personazh të dështuar”.
Ndërkohë, Roberti tha se Jerina bën moral, por është “krejtësisht personazh i dështuar”. Lalaj u përgjigj duke thënë se Aliaj nuk ka koherencë sepse “çfarë thotë në mëngjes nuk e thotë në darkë.” Debati agravoi në tone të larta dhe ofendime dhe si rrjedhojë jo vetëm Jerina, por edhe Roberti është larguar nga programi, një vendim ky i marrë nga produksioni.
