Stafi i Donald Trump thotë se ish-Presidenti është “mirë” pas asaj që zyrtarët e zbatimit të ligjit po e trajtojnë si një atentat gjatë një mitingu në Butler, Pensilvani. Zyrtarët thanë se personi që hapi zjarr ishte një 20-vjeçar nga Pensilvania.
Në një postim në rrjetet sociale, Trump tha se ai u qëllua me një plumb që shpoi pjesën e sipërme të veshit të tij të djathtë. Ish-presidenti u nxor me shpejtësi nga skena nga agjentët e Shërbimit Sekret, me veshin e tij të mbuluar me gjak.
Donald Trump, kandidati për President i SHBA-ve është qëlluar me armë gjatë mitingu që po zhvillonte ne Pensilvani.
Donald Trump, ish-presidenti i SHBA, aktualisht ne gare per nje mandat te dytë u nxorr jashtë skenës nga stafi i sigurisë.
Nga videot e publikuara online, Trump duket që rrëzohet në tokë teksa po mbante një fjalim. Ai u rrethua shpejt nga sigurimi i armatosur dhe qëndroi poshtë për rreth një minutë.
Më pas ai u ngrit në këmbë dhe ngriti grushtin në ajër, përpara se të përcillej nga skena dhe në një automjet. Më pas ai është larguar nga vendi i ngjarjes.
Videoja dukej se tregonte gjak në veshin e tij ndërsa e merrnin. Ish-presidenti dukej se po shtrëngonte anën e kokës teksa ra në tokë.
Senatori republikan për Ohio, J.D Vance, tha në një postim në platformën e mediave sociale X: “Të gjithë bashkohuni me mua në lutjen për Presidentin tonë Trump dhe të gjithë në atë tubim. Shpresoj që të gjithë të jenë mirë.”
