Qendërmbrojtësi i Barcelonës është përfolur në shumë raste me se ka qenë i lidhur me vajza të ndryshme po fundjavën e kaluar, programi ‘Socialite’ transmetoi një video në të cilën lojtari shihej me partneren e tij të re. Pamje që mesa duket e kanë mërzitur shumë Shakirën .
Partnerja e re e Pique , Clara Chia , dukej se po kalonte një kohë të mirë me futbollistin në Summerfest Cerdanya, ku ata shiheshin mjaft të lumtur krahë njëri-tjetrit.
Vetë programi ‘Socialite’ gjatë transmetimit të videos ka kontaktuar me miqtë e ngushtë të Shakirës dhe ata kanë treguar se artistja nuk është e kënaqur me veprimin e ish-partnerit të saj.
Arsyeja është se futbollisti katalanas ka thyer një pakt që të dy kanë bërë kur janë ndarë. Marrëveshja ishte që asnjëri prej tyre nuk mund të shfaqej në publik me një partner gjatë vitit të parë që kur njoftuan ndarjen e tyre më 4 qershor.
