Ky vit është padyshim ndër më të bukurit e portierit të Real Madrid, Thibaut Courtois, jo vetëm në aspekt profesional por edhe në atë personal.
Belgu do të martohet me të dashurën e tij modele Mishel Gerzig pasi i bëri një propozimi romantik. Courtois u gjunjëzua gjatë pushimeve në një mjedis mahnitës në një jaht dhe Gerzig pranoi të bëhej gruaja e tij për të përmbyllur javën e ëndrrave të portierit.
Supermodelja izraelite publikoi disa foto në mediat sociale gjatë propozimit të Courtois dhe shkroi : “Po, një jetë me ty.”
Courtois e udhëhoqi Realin drejt titullit të tyre të 14-të ne Champions League një javë më parë me atë që u konsiderua si paraqitja më e mirë e një portieri në historinë e kompeticionit teksa ai u shpall “Njeriu i ndeshjes”.
