Për herë të parë “Top Channel” ka reaguar mbi dramën për Instagramin e Luizit.
Egli Haxhiraj, avokati që merret me kontratat e banorëve të “Big Brother VIP”, zbuloi sot në “Fan Club” se Luizi ka firmosur me vullnet të plotë që të drejtat e imazhit t’i kalojnë Top Channel.
“Të gjitha të drejtat e imazhit të banorëve i kalojnë Top Channel. Ata që hedhin foto a video pa lejen apo autorizimin e Top Channel hiqen. Kemi vendosur që të gjithë banorët në postim tu japin të drejta Top Channel. Jurgena e ka hapur me emrin e Luizit, derisa është menaxhere e emrit të tij duhet t’ia kthejë. Luizi ka firmosur edhe një kontratë menaxhimi duke ia lënë të drejtat Top Channel. Kemi kërkuar ta bashkëmenxhojmë edhe me Jurgenën, por ajo refuzoi. Top Channel mori një kontratë ekskluzive nga ai në praninë e një noteri.”-tha ai.
Sakaq, u transmetua edhe një video ku Luizi deklaronte se nuk donte që familja e tij të menaxhonte Instagramin e tij, por “Top Channel”.
“Merruni ju, nëse nuk merreni ju ta mbajë Jurgena. Ta mbajë vetëm Topi, siç e folëm. Unë juve ju besoj.”
Po ashtu, “Top Channel” informoi se ka hequr dorë nga kontrata e mësipërme derisa Luizi të dalë nga shtëpia.
