Në një epokë kur pagesat me një trokitje të telefonit janë bërë norma, shpenzimet spontane gjatë fundjavave janë kthyer në një problem për shumë njerëz. Një trend i ri në TikTok po ofron një zgjidhje të thjeshtë dhe efektive: “fundjava vetëm me para në dorë”.
Si funksionon?
Ideja është e thjeshtë: të premten tërhiq një shumë të caktuar parash në dorë – aq sa je gati të shpenzosh për fundjavën – dhe mos përdor kartën ose telefonin për pagesa deri të dielën në mbrëmje.
“Kur paratë mbarojnë, është sinjali yt për të ndaluar blerjet dhe për t’u kthyer në shtëpi”, shpjegon këshilltarja financiare Nadia Vanderhall për Bustle.
Përfitimet kryesore:
Vetëdije financiare më e madhe – Kur shpenzon para fizike, i ndjen realisht, dhe je më i kujdesshëm.
Shmangie e blerjeve impulsive – Është më e vështirë të blesh një kroasan 6 euro ose një pije shtesë kur i sheh paratë duke u pakësuar.
Kufizim natyror i shpenzimeve – Një limit fizik i ndihmon shumë njerëz të mos e tejkalojnë buxhetin.
Reflektim mbi marrëdhënien me paranë – Nëse mërzitesh kur mbaron shuma, mund të jetë një sinjal për të rivlerësuar zakonet e tua.
Si ta provosh:
Llogarit buxhetin për fundjavën bazuar në çfarë ke në llogari dhe çfarë planesh ke.
Tërhiq vetëm atë shumë dhe futi në një zarf ose portofol të veçantë.
Premto vetes që nuk do përdorësh kartën, përveçse në ndonjë emergjencë.
Vendose kartën në një vend më pak të arritshëm – jo në xhep, jo në kutinë e telefonit.
Këshillë bonus:
Vanderhall këshillon që kjo metodë është veçanërisht efektive për ata që nuk kuptojnë ku po “shkrihen” të ardhurat e tyre gjatë fundjavës:
“Shumë njerëz buxhetojnë shpenzimet e tyre të domosdoshme, por harrojnë blerjet e vogla spontane – ato ‘E meritoj!’ të së shtunës. Ky truk të ndihmon të ndalosh dhe të mendosh.”
