Bora Zemani dhe Donald Veshaj ishin padyshim personazhet më të përfolur në gjashtë mujorin e parë të vitit 2022.
Dyshja vazhdojnë të ndiqen në çdo hap të tyre dhe padyshim që ndjekësve nuk do t’u ikte tatuazhi i ri i Borës.
Moderatorja e njohur ka publikuar disa fotografi nga pushimet në Turqi ku shfaqet me rrobanjo dhe ra në sy tatuazhi abstrakt.
Forma e tatuazhit që ajo ka bërë në trup sjell në vëmendje postimin e Donaldit prandaj edhe ndjekësit e Borës e kanë lidhur menjëherë me aktorin.
Para publikimit të këngës së tij, e cila është dedikim për Borën, Donaldi publikoi në Instagram disa foto me veprat abstrakte të Picassos.
Gjithashtu ai publikoi edhe një video pak kohë më parë ku ndodhej në një studio tatuazhesh.
Këto detaje mund të jenë rastësi, megjithatë ekzistojnë dyshimet se dyshja mund të kenë bërë dedikim për njëri-tjetrin.
