Këtë vit “Sunny Hill Festival” do të mbahet edhe në Kosovë edhe në Shqipëri.
Përkatësisht në datat 4, 5, 6 dhe 7 gusht në Prishtinë, ndërsa në Tiranë më 26, 27 dhe 28 gusht. Të shumtë janë fansat e këtij festivali që mezi po e presin. Dhe kur jemi gati një muaj larg datës së përcaktuar për zhvillimin e “Sunny Hill” në Kosovë, Festivali ka ardhur me një njoftim së fundmi. Në faqen zyrtare të ‘Sunny Hill Festival” në Instagram është njoftuar se tashmë kanë dalë në shitje biletat normale për të gjithë.
Më herët ju kujtojmë që është bërë me dije se ylli i muzikës botërore, J Balvin, do jetë në ‘Sunny Hill Festival’.
José Álvaro Osorio Balvín, i njohur me emrin e artit si J Balvin, është një këngëtar kolumbian, i cilësuar edhe si “Princi i Reggaeton”. Ai është një nga artistët më të shitur të muzikës latine me shitje prej më shumë se 35 milionë disqe në mbarë botën.
Gjithashtu bëhet e ditur se përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion do të zbulohen edhe dy artistë shumë të mëdhenj botëror të cilët do marrin pjesë.
