Sikur mos t’i mjaftonin telashet në fushën e blertë, mes formës jo të mirë fizike dhe dëshirës së PSG për ta larguar, Neymar po kalon një periudhë aspak të këndshme në jetën personale.
Numri 10 i Brazilit është në një lidhje me influencuesen Bruna Biancardi. Më 25 prill, 28-vjeçarja braziliane postoi një foto të saj dhe yllit të PSG-së për herë të parë në rrjetet sociale. Pak ditë më parë, Ney i kishte uruar asaj ditëlindjen përmes një postimi në Instagram duke zyrtarizuar kështu lidhjen e tyre: “Dita është e jotja, por dhurata është e jona. Shumë i lumtur që të kam në jetën time. Të dua”, -shkroi kampioni olimpik i Rios. Sot Neymar është në mes të një ‘afere të errët’, pasi akuzohet se e ka tradhtuar të dashurën e tij.
Neymar u përgjigj në mënyrën e tij.
Ai donte t’i bënte të qarta gjërat duke hedhur poshtë lajmet që ai pretendon se janë të rreme. 30-vjeçari publikoi një video në Instagram duke thënë: “Përshëndetje Fake News, shumë diell, shumë paqe, shumë dashuri”.
