“Unë kam një dashuri shumë të madhe jashtë shtëpisë”, ishte deklarata e Egla Cenos që nxiti dyshimet e publikut që aktorja është në një lidhje jashtë “BBVIP”.
Ndonëse konkurrentja nuk tregoi më shumë për mashkullin që dashuron, Ronaldo Sharka ka zbuluar detaje të reja për të dashurin e Eglës.
Ditën e sotme moderatori ishte i ftuar në emisionin “Wake Up”, ku ndër të tjera ka analizuar lojën e aktores dhe gjendjen e saj brenda kësaj shtëpie.
Teksa në studio u hap tema e të dashurit të Eglës, Ronaldo tha se ai e njeh partnerin e aktores, ndërsa tregoi se ai merret me muzikë.
“Po ka një partner. S’do them emra se është e drejta e tyre ta bëjnë pubike apo jo. Është artist dhe po merret me muzikë. Është i lezetshëm, interesant ishte.”- tha Sharka.
“A është shqiptar?” e pyeti moderatorja, megjithëse Ronaldo e anashkaloi pyetjen.
