Vanessa Bryant është shfaqur në seancën e parë në gjykatë për aksidentin që i mori jetën bashkëshortit dhe vajzës së saj.
40-vjeçarja ishte në sallë me avokatët ku u bënë deklaratat hapëse në gjyqin e saj kundër komisariatit të policisë ‘Los Angeles County’, të cilin ajo po e padit pasi disa nga zëvendësit e sherifit dhe zjarrfikësit shpërndanë foto të paautorizuara nga janari 2020, nga rrëzimi i helikopterit që vrau bashkëshortin e saj Kobe Bryant, vajzën e tyre 13-vjeçare Gianna Bryant dhe shtatë të tjerë.
Vanessa shpërtheu në të qara para Gjykatës ndërsa avokati i saj, Luis Li, pretendoi se punonjësit e qarkut “shfrytëzuan aksidentin” duke marrë dhe shpërndarë foto të Kobe dhe Gianna “si suvenire”, sipas ‘Rolling Stone’. “Ata hodhën kripë në një plagë të pashërueshme”, tha Li. “Ata morën nga afër gjymtyrët, mishin e djegur.” Sipas gazetës, Li gjithashtu shfaqi një regjistrim audio të një detektivi duke përshkruar fotot si imazhe që përshkruanin “grumbullat e mishit”.
Legjenda e NBA-së, 41 vjeç, po fluturonte me vajzën e tij 13-vjeçare Gianna dhe shtatë të tjerë – Christina Mauser, Payton dhe Sarah Chester, John, Keri dhe Alyssa Altobelli dhe pilotin Ara Zobayan – më 26 janar kur u përplasën në një mal.
